Dipager Men Bisa Mlebu

nduwur kye pagere

Rika ora salah maca. Pancen bener, ora kabeh pager dinggo ngatak-ataki, men apa baen ora gampang mlebu. Kye ana pager, dipager, malah men bisa gampang mlebune. Maen mbok jedekane? Anu apa, anu kepriwe? Ya mayuh diwaca gipit. Karo ngenteni bedug maghrib muni. *esih subuh wis ngenteni maghrib. Ora umum koh jan ... jan ...

Pager kie udu sembarang pager. Arane HASTAG (nek ora salah, macane hesteg. Nek enyong salah, rika mbenerna, ya?). Kiye kyeh ana fungsine. Ora mukur sembarangan dipageri nek nggawe status, terus men keren. Men diarani kekinian. Ora babar blas, Kang, Yu. Siki rika tek nei ngerti, men bisa nggunakna sing bener, sesuai tujuan. Terus, ora kakehen mubazir gole dolanan nang dunia maya.

1. Diweih pager (bar kiye tek tolis hastag, ya), kuwe men dewek bisa nyimpen tulisan nang dunia maya. Bisa juga nyimpen iklan secara otomatis, njur pas dewek butuh, bisa diumbulna maning. Gampang gole nggoleti. Misale kyeh ... rika dodolan jamu. Anggep baen jamune jenenge Sari Kentos. Terus, rika ngiklan ya nang pesbuk, twitter, apa instagram. Nang blog ya kena. Nah, pas dibagikna. Diposting kaeh, rika tolis : #IklanSariKentos, utawane #SariKentos. Saben-saben rika ngiklan, tolis kaya kuwe. Dadi, nang mesin pencarian wis ana. Wis disimpen. Ngesuke, rika kepengin ngiklan maning, kata-katane beda, ya aja kelalen disogi hastag (kaya kiye rupane hastag : # wis cetha mbokan?).

Kye enyong ceritane kan blajar nulis. Dadi, enyong ya duwe hastag dewek. Itung-itung ngirit kertas, ngirit memori pikiran sing gampang kelalen. Contone hastag nggonaku ya : #DiaryKaylaMubara.  Nek enyong garep nggoleti diary sing urung tek tulis, terus arep tek tulis, enyong gari ngetik hastag kuwe, terus pada njebrul dewek catetane. Gampang mbokan?

2. Wong sing nggoleti dagangane rika, nang dunia maya, dadi lewih gampang. Misale, si Tule kang Sulawesi garep nggolet inpormasi jamu SariKentos kae mau. Ya deweke kur gari ngetik hastag #SariKentos. Deweke ora perlu nilpuni rika baen, takon-takon, sing urung mesti tuku. Deweke cukup klik enter (cari) bar ngetik hastag #SariKentos ... inpormasi komplit. Ana rega, ana rupa, ana gambarane.

Kye ora mukur dagangan. Bisa juga branding. Branding kuwe ya memperkuat merk (menguatkan). Bisa nggo awake dewek, bisa juga nggo perusahaan, kampung, utawa liyane. Misale men kampung TEGAL SARI terkenal, rika bisa nolis, posting foto, utawa nyetatus, terus diwei hastag #TegalSari. Tambah akeh hastage, nek ana sing penasaran, bisa baen ngeklik, utawa sengaja nggoleti nganggo gugel (gooogle), terus inpormasi tentang Tegal Sari bisa diwaca.

3. Nek nang instagram, lewih gampang nggo dodolan. Rika kan diumpamakna mau dodol jamu Sari Kentos, ya? Posting baen foto jamune rika sing akeeeeh banget. Bisa digawe kreatip hastage. Misale : #JamuTradisionalBerhasiat #HerbalTermurahSeinstagram #TerimaResellerHerbal #GrosirJamu #GrosirHerbal #SariKentos #JamuHerbalCesPleng #ObatHerbalCesPleng.

Deneka akeh temen?

Ya iya. Kwe kan nggo ngira-ngira, wong nek nang dunia maya, nggoleti apa. Nek nggoleti kan nganggo kata kunci. Nah, dewek bisa manfangatna kata kunci kuwe, dadi dagangane dewek gampang digoleti. Jamane wis canggih, aja gelem ketinggalan. APAMANING KUR MELU-MELU ngesogi HASTAG, tapi ora ngerti fungsine. Hehehe. 

4. Kena nggo nggolet follower (pengikut).

Kye janeh anu fungsi sing mandan kurang bijak. Tapi, akeh sing nganggo. Pas tembean duwe instagram, enyong ya melu-melu. Misale hastag #FollowForFollow, #LikeForFollow, #liker, lan liyane. 

Apa hubungae kambi judul?

Lah ya nek dipageri (dihastagi) dewek dadi gampang mlebu meng informasi sing sesuai karo aran hastage. 

Rumangsaku kye wis cukup, Kang, Yu ... nek esih ana sing perlu ditakokna, ya ngeneh takon. Bisa tek jawab, ora bisa ya dewek nggoleti bareng jawabane. 

Kepenak Mboook? 

Salam NGAPAK.

#KaylaNgapak
#NgapakOraNjeplak